Entspriechend Ärem Investisseurprofil an Äre Besoinen, kënnt Dir mat easyLIFE Invest for Future Är Erspuernësser tëschent enger sécherer Komponent an Investitiounsfongen opdeelen. Dir hutt dräi Formelen zur Auswiel: Safe, Balanced an Dynamic, déi den Deel vum geschützte Kapital an den Deel, deen a Fongen investéiert gëtt, bestëmmen.

Äre Kontrakt gesäit vir, datt Dir Beneficiairë fir de Stierffall ernennt. Dir kënnt deemno Är Successioun fräi plangen an deenen, déi Iech nostinn, direkten Zougrëff op d'Kapital, dat Dir ugespuert hutt, garantéieren. 
 

Dir kënnt zu all Moment eng oder e puer eemoleg Primmen abezuelen, an dës eventuell och duerch Primmen ergänzen, déi Dir all Mount iwwerweist. Wann e Besoin besteet, dann hutt Dir och d'Méiglechkeet, Iech Äert Kapital ënner Berücksichtegung vun engem gewësse Mindestbetrag ganz oder deelweis ausbezuelen ze loossen.
 

Dir sidd fräi aus enger grousser Gamme vu virsiichteg ausgewielte Fongen ze wielen. Natierlech steet den Agent vun Ärem Vertrauen zur Verfügung fir Iech ze hëllefen wann néideg.

All Är Erspuernisser, souwuel de Kapitalgeschützten Deel wéi och den Deel, deen a Fonge geet, gi verantwortlech no der ESG-Klassifikatioun (Environment, Social and Governance) investéiert. Mam LuxFLAG Label sidd Dir sécher, datt d'Konformitéit mat den ESG Qualitéite vun den ausgewielten Investitioune vun engem onofhängegen Institut verifizéiert gouf.