Wat soll ech maachen, wann ech mech net (méi) alogge kann?

Dir musst ëmmer déi Coordonnéeë benotzen, déi Dir bei Ärer éischter Umeldung/dem Ariichte vum Kont benotzt hutt.
Bei Ärem Passwuert ass d'Kleng- a Groussschreiwung wichteg. Grouss Buschtawen, kleng Buschtawen, Espacen asw. mussen deemno richteg benotzt ginn, fir datt d'Alogge funktionéiert.

• Stellt wgl. sécher, datt Dir déi neist Versioun vu LALUX easyAPP installéiert hutt. Dir kënnt se am App Store (iOS) a bei Google Play (Android) eroflueden.
• Iwwerpréift wgl., ob déi aktuell Versioun vu LALUX easyAPP mat Ärem Telefon kompatibel ass (iOS > Versioun 11; Android > Versioun 7).
• Dir kënnt Äert Passwuert beim Aloggen oder och soss zu all Ament an der easyAPP (an der Rubrik „Paramètres” (Astellungen)) änneren.
• Wann Dir Är Login-E-Mail-Adress ännere musst, da biede mir Iech, eisen easyAPP-Support-Service op der Nummer (+352) 4761 - 6147 ze kontaktéieren. Äre Gespréichspartner guidéiert Iech da bei deenen nächste Schrëtt.
• Wann Dir Feelermeldunge kritt oder wann technesch Problemer optrieden (Maintenance-Aarbechten, Funktioun net disponibel), geet et dacks duer, e puer Stonnen ze waarden an et dann nach eng Kéier ze probéieren.

Wann Dir Iech dann awer nach ëmmer net alogge kënnt, da kontaktéiert wgl. de Support-Service vun easyAPP op der Nummer: (+352) 4761 – 6147.