Aarbechtsplazen am Grupp LALUX
Aarbechtsplazen am Grupp LALUX

Aarbechtsplazen am Grupp LALUX

Spontan Kandidaturen

Dir wëllt gär bei enger Assurance schaffen, déi sech permanent weiderentwéckelt. Dir schafft gär an enger motivéierter an dynamescher Ekipp. Dir sidd innovativ a stellt Iech gären neien Erausfuerderungen.

Dann zéckt net, fir elo dem Grupp LALUX bäizetrieden, a schéckt eis Är spontan Kandidatur.

LALUX-Versécherungsagenten

LALUX sicht nei Versécherungsagenten an organiséiert Formatiounen, déi op den Exame vum Versécherungsagent virbereeden. Dësen Exame brauch een, fir vum Commissariat aux Assurances als Versécherungsagent zougelooss ze ginn. D'Formatioune gi reegelméisseg owes an de Raimlechkeete vu LALUX Assurances zu Leideleng, 9, rue Jean Fischbach, organiséiert.

Wann Dir un deene Formatiounen deelhuele wëllt, da schéckt eis wgl. Är Kandidatur.

Stagiairen

Mir bidde Studenten, déi an engem Bachelor- oder Master-Studium ageschriwwe sinn, konventionéiert oder fräiwëlleg Stagen (3 bis 6 Méint) an deene verschiddenen Entitéite vum Grupp LALUX (Marketing, Finanzen, Aktuariat, Juridique, Indemnisatioun, Commercial asw.) un.

Studentenjobs

Wärend der Schoulvakanz am Summer (Juni bis September) bidde mir a verschiddenen Departementer vun eise Gesellschafte Studentenjobs fir eng Dauer vun 3 Wochen un. 

Du bass Student/-in, tëscht 16 a 27 Joer al, wëlls éischt Erfarungen an der Beruffswelt beim Grupp LALUX sammelen an der gläichzäiteg e bëssen Täschegeld am Summer verdéngen? Da schéck eis deng Kandidatur iwwer de follgende Link: