Entspaant verreesen! D'Reesversécherunge vu LALUX

Package Reesen
Privatclienten/Assurancen/Reesen

Reesversécherung – Package Reesen

Reesversécherungen

Devis ufroen

Vakanz mat der Famill, e klengen Trip an der Koppel oder eleng d'Welt entdecken? Déi verschidde Reesversécherungsformulle vu LALUX bidden Iech ideale Schutz op d'Mooss - fir Iech a fir Är Famill. Profitéiert vun Ären Deplacementer an der ganzer Welt an d'ganzt Joer iwwer - Dir sidd gutt verséchert. A lass!

Virdeeler vun eiser Reesversécherung

Annulatioun (Récktrëtt) vun der Rees

D'Reesversécherung fir d'ganzt Joer ass eng Annulatiounsassurance, déi Iech am Fall vu Krankheet, engem Accident, Doud oder engem anerem onerwaarten Evenement de Remboursement vun de Reservatiounskäschte vun Ären Openthalter am Ausland a vu méi wéi 4 Deeg zu Lëtzebuerg garantéiert.
 

Verspéidung vum Fliger

Äre Fliger huet méi ewéi 4 Stonne Verspéidung, Dir sidd vun engem Overbooking betraff oder verpasst Ären Uschlossfluch wéinst enger Verspéidung vum Fluch virdrun? Mat der Joresreesversécherung ginn Är Hotels-, Restaurants- an Transfertskäschten iwwerholl.

Remboursement vun der Franchise vum Locatiounsauto

Am Fall vun engem Schued un Ärem Locatiounsauto gitt Dir an Héicht vun der Franchise, déi d'Locatiounsfirma freet, a bis zu maximal 2 500 € rembourséiert.

Assistance Annuelle

D'Gesondheet geet vir! D'Assistance Annuelle fänkt Iech op, wann Dir an der Vakanz oder wärend engem Ausfluch am Ausland onerwaart krank gitt oder en Accident hutt. Récktransport, Sich oder Rettung sinn och abegraff.
 

Assistance-Service 24h/24

Egal wat geschitt, Dir sidd a gudden Hänn! Am Kader vun der Assistance Annuelle kënnt Dir am Noutfall op déi bescht Servicer zeréckgräifen: sproochlech Ënnerstëtzung, Iwwermëttlung vun Kontaktdonnéeë vu Spideeler, Organisatioun vum Transport oder Transfert an eng Spezialklinick, Austausch vun Informatioune mam Hausdokter oder der noer Famill - mat LALUX sidd Dir ni eleng!
 

Äert Gepäck

Wärend Äre Vakanze ass Äert Gepäck verséchert, falls et verluer geet oder wéinst engem Déifstall, engem Iwwerfall oder aus enger vergläichbarer onfräiwëlleger Ursaach beschiedegt gëtt. D'Garantie deckt och Är elektronesch Apparater, den Inhalt vun der Daachbox, Är Vëloen a Schi, mee och gelountent Sportmaterial (Schi, Surfbriet, Paddle...) of. A wann Äert Gepäck Verspéidung huet, gitt Dir fir Saachen, déi dringend hu misse kaaft ginn an onbedéngt noutwendeg sinn, rembourséiert.

Informatiounsvideo

Dokumenter

Lalux Document Img Alt

easyPROTECT Reesen

Ikon franséische Fändel  (1.04MB)
Ikon däitsche Fändel  (1.06MB)
Ikon englesche Fändel  (1.04MB)
Lalux Document Img Alt

easyPROTECT

Verbannt Är Haaptassurancen an engem Kontrakt

Ikon franséische Fändel  (1.16MB)
Ikon däitsche Fändel  (1.14MB)
Ikon englesche Fändel  (1.15MB)
Ikon portugisesche Fändel  (1.14MB)

Weider interessant Produiten

Reeskrankeversécherung

Komplette Reesschutz, fir datt Dir an aller Rou vun Ärer Vakanz profitéiere kënnt.

easyPROTECT Haus a Wunneng

D'Multirisk-Assurance, déi Är Wunneng an hiren Inhalt schützt, onofhängeg dovunner, ob Dir an engem Haus oder an engem Appartement wunnt.

easyPROTECT

easyPROTECT ass deen eenzege Kontrakt zu Lëtzebuerg, deen et erlaabt, all Är Assurancen ze regruppéieren: Haus a Wunneng, Auto, Familljenhaftflicht, Rechtsschutz, Accidenter a Reesen.

Ass et sënnvoll, eng Reesversécherung ofzeschléissen?

Eng Reesversécherung ass dee beschte Schutz géint onerwaart gesondheetlech oder logistesch Problemer wärend Ären Deplacementer. Si kann d’Käschte fir medezinesch Noutbehandlungen, Hospitalisatiounen, de Récktransport, d’Annulatioun vum Openthalt an de Verloscht oder d’Beschiedegung vum Gepäck iwwerhuelen. Leit, déi zu Lëtzebuerg wunnen, kënnen hir Europäescher Krankeversécherungskaart (EKVK) benotzen, mee dës limitéiert sech op Noutfallbehandlungen an der EU/dem EWR an ëmfaasst kee Récktransport. 
Wann Dir zum Beispill an Amerika an d’Spidol kommt, kann d’Rechnung extreem héich sinn: der Kaiser Family Foundation no loungen 2023 d’Duerchschnëttskäschte fir een Dag Spidolsopenthalt bei ronn 3.130 €. 

Bei esou Beträg ass eng Reesversécherung en onverzichtbaart Sécherheetsnetz, mat deem bei engem medezineschen Noutfall am Ausland immens héich Käschten evitéiert kënne ginn. Fuert entspaant an d’Vakanz!

Muss een eng Reesversécherung ofschléissen?

Zu Lëtzebuerg schreift keng national gesetzlech Bestëmmung vir, datt d’Awunner eng Reesversécherung ofschléisse mussen. Verschidde Länner fuerderen dat awer, fir e Visa ze accordéieren oder d’Arees op hiren Territoire ze erlaben.

  • A Kuba ass d’medezinesch Reesversécherung gesetzlech virgeschriwwen, dëst zanter der Resolutioun Nr. 168/2010, déi vun allen auslännesche Visiteure verlaangt, datt si eng gülteg Versécherungsattestatioun virleeën, mat där Behandlunge wärend dem Openthalt ofgedeckt sinn.
  • Verschidde Prestatairen am Tourismus (Croisièresgesellschaften, Trekking-Agencen, Tauchschoulen, …) kënne Reservatioune refuséieren, wa kee Beleeg fir eng Assurance virgeluecht gëtt, iwwer déi Accidenter, Récktransporter oder Annulatiounen ofgedeckt sinn.

Et gëtt recommandéiert, d’Ufuerderunge vun deem besichte Land oder vun de d’Prestatairë systematesch ze iwwerpréiwen, fir ze evitéieren, datt d’Arees refuséiert gëtt oder d’Käschte wärend dem Openthalt net iwwerholl ginn.