Onbesuergt Ärem Hobby nogoen easyPROTECT Accident këmmert sech ëm Iech!

Assurance easyPROTECT Accident
Privatclienten/Assurancen/Accident

Assurance easyPROTECT Accident

easyPROTECT Accident

Devis ufroen

En Accident gehéiert zu de Gefore vum Alldag, an all Mënsch kann dovu betraff sinn.
Wann Dir gär Sport maacht, reest oder am Gaart schafft, da séchert easyPROTECT Accident déi kleng alldeeglech Malheuren of, déi Äert Liewen an dat vun Ärem noen Ëmfeld déifgräifend verännere kënnen.

easyPROTECT Accident këmmert sech an alle Situatiounen ëm Iech:

  • bei Ären Deplacementer (als Foussgänger, Chauffer a Passagéier)
  • bei Äre gewinnten Aktivitéiten (Haushaltsaarbecht, Bastelaarbechten am a ronderëm d'Haus)
  • an Ärer Fräizäit (Vakanzen, net professionelle Sport asw.)
  • bei Äre berufflechen Aktivitéiten (optional Garantie)

Virdeeler vun der Assurance easyPROTECT Accident

Eng Assurance fir Iech a fir Är Léifsten

Konfiguréiert Är Assurance esou, dass se bei Är familiär Situatioun passt. Mat der Formule „Famill“ sinn all d'Kanner, déi op där selwechter Adress wunnen, bis zum Alter vun 18 Joer (27 am Fall vu verlängerte Studien) zum eenheetlechen Tarif matverséchert, egal wéi vill Kanner et sinn.
 

Zu Lëtzebuerg, an Europa a weltwäit

Äre Versécherungsschutz gëllt fir d'ganzt Joer - zu Lëtzebuerg an an Europa - a gëtt fir all Openthalt vu bis zu 3 Méint op d'ganz Welt erweidert.
 

Geleeëntlechen Extreemsport

Och Extreemsport, dee geleeëntlech praktizéiert gëtt, ass verséchert (Tauchen, Bungeesprangen, Fallschiermsprangen). Fir déi, déi dës Sportaarte méi dacks ausüben, kann de Versécherungsschutz op d'ganzt Joer erweidert ginn.
 

Steierlech Virdeeler

Är Primme fir d'Assurance easyPROTECT Accident kënnen als "Dépenses spéciales" vun de Steieren ofgesat ginn (Artikel 111, maximal 672 € d'Joer).
 

All steierlech Virdeeler

D’Versécherungsformullen

Entdeckt d'Formule Confort vun easyPROTECT Accident

Bei der Forfaitsformule vun der Onfallversécherung gitt Dir op der Basis vun enger am Viraus festgeluechter Versécherungszomm entschiedegt.

Entdeckt d'Formule Performance vun easyPROTECT Accident

Bei der Indemnitéitsformule indemniséiert d'Onfallversécherung Iech fir Är Schied ënner Berücksichtegung vun Ärem Alter, Ärer perséinlecher Situatioun an Ärem Invaliditéitstaux.

Dokumenter

Lalux Document Img Alt

easyPROTECT Accident

Ikon franséische Fändel  (812.61kB)
Ikon däitsche Fändel  (796.41kB)
Ikon englesche Fändel  (819.02kB)
Ikon portugisesche Fändel  (801.89kB)

Weider interessant Produiten

easyPROTECT

easyPROTECT ass deen eenzege Kontrakt zu Lëtzebuerg, deen et erlaabt, all Är Assurancen ze regruppéieren: Haus a Wunneng, Auto, Familljenhaftflicht, Rechtsschutz, Accidenter a Reesen.

Gesondheetsversécherungen

Déi privat Krankeversécherunge vun DKV Luxembourg bidden Iech déi beschtméiglech Leeschtungen am Gesondheetsberäich - ugepasst un Är Besoinen.

Wat ass eng Onfallversécherung?

Eng Versécherung géint Accidenter am Privatliewen ergänzt d’Leeschtunge vum gesetzleche Versécherungsschutz. Anescht wéi bei Accidenter am Beruffsliewen, déi vun der AAA ofgeséchert sinn, sinn Accidenter am private Beräich – sief et doheem, bei Fräizäitaktivitéiten, beim Sport oder op Reesen – net vun der Sozialversécherung ofgedeckt. Wa keng privat Onfallversécherung ofgeschloss gouf, sinn dës Schied deemno vum Affer selwer ze droen.

Mat easyPROTECT Accident proposéiert LALUX Iech 24h/24 e weltwäite Versécherungsschutz fir Ären Alldag : Deplacementer zu Fouss oder mam Auto, Sport (och esouguer geleeëntlechen Extreemsport), Vakanzen, kleng Handwierksaarbechten asw. Zwou Formulle ginn ugebueden:

  • Confort : Dir leet de Versécherungsbetrag selwer fest.
    Performance : De Versécherungsschutz gëtt op Basis vun den tatsächleche Schied berechent (Akommesverloscht, ästheetesche Schued, Dokteschkäschten, ...).

Dir kënnt och Zousazversécherunge wéi d’Assistance doheem (Kannerbetreiung, psychologesche Support, Hëllef am Haushalt, ...), déi vun Europ Assistance ugebuede gëtt, aktivéieren.

Firwat sollt een eng Onfallversécherung ofschléissen?

Kee Mënsch ass virun Accidenter sécher: an den Trape falen, sech bei handwierklechen Aarbechte verletzen, mam Vëlo falen, … All Dag geschéien Dausende vun Accidenter, déi an der Famill den Alldag op d’Kopp geheien. Mat heiansdo schwéiere Konsequenzen : Hospitalisatioun, net rembourséiert Dokteschkäschten, Aarbechtsonfäegkeet… Mat easyPROTECT Accident  profitéiert Dir vun engem Versécherungsschutz op d’Mooss, fir dës Imprevuen ze bewältegen, Är finanziell Stabilitéit ze behalen an dofir ze suergen, datt Ären Alldag an dee vun Äre Léifste weidergoe kann. 

Ass d’Onfallversécherung obligatoresch?

Nee. Zu Lëtzebuerg sinn nëmmen d’Accidenter, déi op der Aarbecht oder um Wee fir dohinner oder zeréck geschéien, automatesch vun der gesetzlecher Versécherung ofgedeckt. Fir all déi aner Tëschefäll am Privatliewe gëtt et keng gesetzlech Verflichtung, eng Onfallversécherung ofzeschléissen.

Wann Dir keng Zousazversécherung hutt, musst Dir selwer fir Onkäschten am Zesummenhang mat Gesondheet, Akommesaboussen oder kierperleche Spéitfollgen opkommen. Dofir ass den Ofschloss vun enger Assurance wéi easyPROTECT Accident nëmme staark ze recommandéieren. Si erlaabt Iech, Är Zukunft ofzesécheren an Är Léifste konkreet ze ënnerstëtzen, wann et zu engem Schicksalsschlag komme sollt.

D'Optioun Assistance doheem

 

D'Optioun Assistance doheem am Kader vun enger Assurance easyPROTECT Accident bitt eng ganz Rei vu Servicer, déi Äert Liewen no engem Accident vereinfache kënnen: Haushaltshëllef, Versuerge vu Kranken, Kanner an Déieren, psychologesch Ënnerstëtzung, schoulesch Nohëllef, Transport am Taxi.