Sollt et zu engem Schued kommen, da geet keng Zäit mat der Sich no engem Verantwortleche verluer, well all déi Bedeelegt als Assuréë betruecht ginn. Dir kënnt Iech esou drop verloossen, datt et zu enger séierer Ofwécklung kënnt, ouni datt Äre Chantier eventuell gestoppt gëtt.
Mat der Bauleeschtungsassurance si Schied ofgeséchert, déi wärend de Bauaarbechten opgrond vun Noléissegkeet, Ongeschéckerlechkeet a mënschlechem Versoe vun de Fournisseuren entstinn. Och Déifstall no Abroch a Vandalismus sinn an der Assurance abegraff.
Des Weidere si wärend der ganzer Bauzäit materiell Schied oder Persouneschied, déi Drëttpersounen entstinn, verséchert.
Fir Architekten, Entrepreneuren, Ingenieuren a Bureau-d'étuden, genee ewéi fir Promoteuren, schreift de Code civil eng Zweejores- bzw. eng Zéngjoresgarantie vir. Verséchert Iech fir de Fall, wou Problemer sollten opdauchen an de verantwortlechen Intervenant seng Engagementer net hale kann oder, am schlëmmste Fall, faillite ass. D'Zéngjoreshaftflicht gräift nom Ofschloss vun den Aarbechten. Mat dëser Garantie sinn d'Finitiounen 2 Joer laang garantéiert, de Réibau esouguer 10 Joer.
