Wat ass easyAPP Home?

easyAPP Home ass den Numm vun deem neie perséinleche Clientsberäich, dee LALUX all hire Privatcliente vun enger vun den Entitéiten vum Grupp LALUX ubitt: LALUX Assurances, LALUX Assurances-Vie an DKV Luxembourg.

An dësem Beräich fannt Dir vill praktesch Funktiounen, déi Dir ganz einfach a sécher notze kënnt: Schied um Auto oder an der Wunneng mellen a suivéieren, de Remboursement vun Dokteschkäschten ufroen, wichteg Dokumenter eroflueden (Versécherungsbedéngungen, Steiercertificaten, Attestatiounen, Rechnungen asw.), Assistance-Servicer, Rechnunge bezuelen, Ären Agent kontaktéieren asw.

easyAPP Home ass d'Desktop-Versioun vun easyAPP, der mobiller Applikatioun vum Grupp LALUX, déi fir Android an iOS verfügbar ass. Dank dem „responsive design” kann easyAPP Home awer och um Smartphone benotzt ginn.