Wéi laang bleift mäin easyAPP-Kont bestoen?

Ären easyAPP-Kont bleift esoulaang bestoen, wéi Dir op d'mannst een Assurancekontrakt beim Grupp LALUX (LALUX Assurances, LALUX Assurances-Vie an DKV Luxembourg) als Preneur d’assurances (an/oder als Assuré vun engem Krankeversécherungs-Gruppekontrakt vun Ärem Employeur) lafen hutt.

D'Benotze vu LALUX easyAPP ass net obligatoresch, gëtt awer staark recommandéiert, well se Iech d'Gestioun vun Ären Assurancekontrakter an Är Echangë mat Ärem Agent/Ären Agente vereinfacht.

Soubal Dir net méi Client beim Grupp LALUX sidd, gëtt Äre Kont automatesch zougemaach.