easyLIFE Mixte
Dir wëllt Äert not Ëmfeld am Stierffall ofsécheren a gläichzäiteg e personaliséierte Spuerplang opstellen? Mat easyLIFE Mixte ass béides mat engem Coup méiglech!
Am Stierffall ass de Liewensstandard vun Äre Léifste mat deem Kapital ofgeséchert, dat Dir hinne garantéiere wëllt.
Wann Dir um Enn vum Kontrakt lieft, kënnt Dir fräi iwwer Är Erspuernesser verfügen, ouni Steieren ze bezuelen.
Plange vun der Successioun
Dir bestëmmt fräi, wien de Betrag vun Ärer easyLIFE Prévoyance-Assurance kritt. Dir hutt och d'Méiglechkeet, d'Beneficiairë vun Ärem Kontrakt esou dacks, wéi Dir wëllt, ouni Käschten ze änneren.
Am Stierffall hunn d'Beneficiairen, déi Dir definéiert hutt, direkt Zougang zu der Zomm, déi Dir festgeluecht hutt, a mussen net waarden, bis d'Successioun ofgewéckelt ass.
Steierlech Ofsetzbarkeet a Fräistellung
Dir kënnt Är Primme vun de Steieren ofsetzen (nom Artikel 111 vum Akommessteiergesetz L.I.R.), wann Äre Kontrakt op d'mannst iwwer 10 Joer leeft.
Ofhängeg vun Ärem Akommes spuert Dir esou bis zu 45 % Steieren.
Am Stierffall bezuelen Är Beneficiairen an direkter Linn keng Steieren op de Betrag, deen Dir fir si virgesinn hutt. Och dat ugespuerte Kapital ass steierfräi.
Eng sécher Investitioun
easyLIFE Mixte bitt e garantéiert Spuerkapital, souwéi e Mindestzënssaz fir Är Erspuernesser, dee vun der Versécherungsopsiicht, dem Commissariat aux Assurances, festgeluecht gëtt. Ab dem 3. Joer gëtt all Joer en zousätzleche Gewënnbedeelegungssaz festgeluecht, dee sech no de Resultater vun der Entreprise an der Entwécklung vun den Zënssätz op de Finanzmäert riicht.
Optioun Accident
Am Fall vum Doud duerch en Accident kann dat verséchert Kapital maximal ëm dat Véierfacht erhéicht ginn. A wann et sech ëm e Verkéiersaccident handelt, da kann de festgeluechte Betrag bis zu 7 Mol erhéicht ginn.
Optioun vollstänneg Invaliditéit
Dës Optioun erméiglecht et, op d'mannst d'Bezuele vun de Primmen auszesetzen an d'Garantie fir d'Ausbezuele vum festgeluechte Betrag am Stierffall trotzdeem oprecht ze erhalen. Am Fall vun enger vollstänneger kierperlecher Invaliditéit gëtt de Montant, dee fir de Stierffall virgesi war, direkt ausbezuelt.
